சன்டேனா இரண்டு (3-3-13) செய்திவிமர்சனம்

இந்த வாரம்.... இருவர்.



செய்தி # 1



"நான் இயக்கிய படங்களில் மிகவும் மோசமான திரைப்படம் இதயக்கோவில்" என்று எழுதினார் இயக்குனர் மணிரத்னம். அவருக்கு வாழ்வளித்த இந்த படத்தை, இயக்குனராக வாய்ப்பளித்த தயாரிப்பாளர் மனம் நோகும்படி மணி இப்படி எழுதியதும் அவர் மீது இருந்த ஒட்டுமொத்த மதிப்பும் சினிமா ரசிகர்களிடம் சரிந்துவிட்டது என்பது கண்கூடு.



இளையராஜாவின் இன்றும் நிலைத்து இருக்கும் இசைதான் 'இதயக்கோவில்' படத்தின் ஒரே நல்ல அம்சம் என்று வைத்துக்கொண்டால், மணியின் திருடா திருடாவில் ரகுமானின் இசையைத்தவிர குறிப்பிடும்படி ஒன்றும் இல்லை.



மிகவும் பரபரப்பாக எதிர்பார்க்கப்பட்ட "ராவணன்" அவரது படங்களில் இதயக்கோவிலை விட மோசமான படமாக இருந்தது. அவரது மனைவி சுகாசினியின் அச்சுபிச்சு வசனங்கள் மற்றும் அவரது அலட்டல் தலையீடுகள்,ராமாயணக்காப்பி போன்றவை இந்தப்படத்தின் தோல்விக்கு முக்கிய காரணங்களாக இருந்திருக்கலாம்.



ஆனால், 'ராவண' சாதனையை மணிரத்னமே முறியடித்து இருக்கிறார் சமிபத்திய "கடல்" மூலம். சுகாசினியை கழட்டிவிட்டு எழுத்தாளர் ஜெயமோகனை கரம் பிடித்தும் 'கடலில்' மணிரத்னம் மூழ்கிப்போனார்.





"முன்பெல்லாம் மணி அதிகம் பேசமாட்டார். ஆனால் அவர் படங்கள் பேசப்பட்டன. இப்போது அவர் அதிகம் பேசுகிறார். படங்கள் ஊமையாகிவிட்டன." என்றார் என் நண்பர் ஒருவர்.



கடல் படம் வெளிவரும் முன்பு, படத்தின் விளம்பரங்களுக்கு அவர் செய்த அலப்பறைகள் கண்டு, இன்டர்நெட் பயன்படுத்துபவர்கள் நொந்து நூடுல்ஸ் ஆனார்கள்.



முதலில் கதாநாயகனின் தலை முடியை மட்டுமே காட்டி, படத்தின் ஸ்டில்லை வெளியிட்டார். பின், கதாநாயகனின் முதுகு மட்டுமே தெரிய, அவர் படகில் செல்வதுபோல டிரைலர் வெளியிட்டார். வெறும் இரண்டு நிமிடங்கள் மட்டுமே கொண்ட, மணியின் பாணியில் சொல்லப்போனால் திரைஉலகின் மிக சுருக்கமான டிரைலர் இதுதான்.



பார்த்த அனைவரும் வெறுத்துபோன நிலையில், இவ்வளவு பில்டப் கொடுக்கபட்ட கதாநாயகன் கவுதம் கார்த்திக்கை 'கடல்' படத்தின் தெலுங்கு பதிப்பின் பாடல் வெளியீட்டு விழாவில், ஹைதராபாத்தில் அறிமுகப்படுத்தி, நமது ரசிகர்களின் எரிச்சலை மேலும் சம்பாதித்து கொண்டார் மணி.



"பதினாறு கோடி செலவு செய்யப்பட்டு, மூன்று கோடி ருபாய் கூட தமிழகத்தில் கடல் வசூலிக்கவில்லை, எங்களுடைய நஷ்டத்தை ஈடு செய்ய வேண்டும்" என்று கூறி இப்படத்தின் வினியோகஸ்தர்கள், மணிரத்னம் வீட்டின் முன் முற்றுகை இட்டனர்.



மணியோ "நான் இந்த படத்தை வேறு ஒரு நிறுவனத்திற்க்கு விற்று விட்டேன்" என்று கூறி எஸ்கேப் ஆகிவிட்டார்.



மணிரத்னம் என்ற பெயரை மட்டுமே நம்பி இந்த படத்தை வாங்கி இருக்கிறார்கள் வினியோகஸ்தர்கள். இனிமேல் இவரை நம்புவது கடினமே.



படத்தின் தோல்விக்கு இயக்குனர் பொறுப்பேற்க முடியுமா? வினியோகஸ்தர்கள், திரைஅரங்க உரிமையாளர்களின் நஷ்டததை ஈடு செய்ய சொல்வது நியாயமா? போன்ற கேள்விகளுக்கு பதில் சொல்ல தெரியவில்லை.



ஆனால், இனி மணிரத்னம் படம் என்ற எதிர்பார்ப்பு இருக்காது என்று தெரிகிறது.



இப்படத்தை தடை செய்ய வேண்டும் என்று ஒரு கிறிஸ்தவ அமைப்பு தொடர்ந்த் வழக்கு இன்னும் நிலுவையில் இருக்கிறது.



அதற்க்கு அவசியமே இல்லை என் பிரிய சகோதரர்களே. படம் வெளிவந்த ஒரே வாரத்தில் தொடர்ந்து ஈ ஒட்டிய காரணத்தால், திரை அரங்க உரிமையாளர்களே இப்படத்தை தடை செய்து விட்டார்கள்.



மீண்டும் கிடைப்பாரா அஞ்சலி, ரோஜா படங்களை இயக்கிய 'பழைய மணிரதனம்'??.



செய்தி # 2







"ஆடலாம் பாஸ், சின்னதா டான்ஸ்" படத்தில் நம்ம பிரபுதேவாவுடன் கலக்கி இருப்பவர்....இந்தி பட உலகின் முண்ணனி டான்ஸ் மாஸ்டரான கணேஷ் ஆச்சாரியா.இவரை பற்றிய ஒரு முக்கிய தகவல்..இவர் ஒரு தமிழர் என்பேதே.


கணேஷ் ஆச்சாரியாவின் ஒரிஜினல் பெயர் சிவாஜி கணேசன்.


"நடிகர் திலகம் பிறந்த அதே ஊரில் பிறந்ததால், அவர் பெயரையே வைத்து விட்டனர் என் பெற்றோர்கள் " என்கிறார் இந்த சிவாஜிகணேசன்.

கணேஷ் ஆச்சாரியா இவரே வைத்து கொண்ட பெயர்.. சிறு வயதில் பெற்றோர்கள் இவரை மும்பை அழைத்து சென்று விட்டனர். 12 வயதில் அங்கு ஜூனியர் ஆர்‌டிஸ்ட் அசோசியேஷன் உறுப்பினர் ஆனார். பின்னர் 14 ஆவது வயதில் டான்ஸ்சர் அசோசியேஷன் உறுப்பினர். தனது 17 ஆவது வயதில் நடன உதவியாளர்.


இன்று பாலிவுட்டில் தவிர்க்க முடியாத, நம்பர் ஒன் டான்ஸ் மாஸ்டர் நம்ம சிவாஜிகணேசன்தான்.

டான்ஸ் மாஸ்டர் ஆக 1992 ஆம் வருடம் வெளிவந்த ஆணம் தொடங்கி, சமீபத்திய பெரும் வெற்றி படங்கள் ஆன ஆமிர்கான் நடித்த ரங்க் தே பசந்தி, ஷாருக் நடித்த சக் தே இந்தியா மற்றும் கார்ஸ் 4 ஆகைய அனைத்தும் இவருக்கு புகழ் தேடி தந்தன.

சுமார் 120 படங்களில் நடன இயக்குநராகவும், பல படங்களில் சிறு வேடங்களில் நடித்தும் இருக்கிறார்.

நடனம் என்பதை தாண்டி திரை பட இயக்குநராகவும் சாதித்து இருக்கிறார் கணேஷ். ஜுஹி சவலா நடித்த சுவாமி (Swami (2007)) என்ற இந்தி படம்தான் இவரது முதல் படம். "என் வீட்டில், எனது தந்தைக்கும், தாய்க்கும் உள்ள உறவையே முதல் படத்தின் கதையாக அமைத்தேன் " என்று குறிப்பிடுகிறார்.


இவரது இரண்டாவது படம் Money Hai Toh Honey Hai (2008).

அஜய் தேவுகன் நடித்து, உலகம் எங்கும் கவனம் பெற்ற "ஒம்காரா" படத்தில் நடனம் அமைத்தமைக்கு 2006 ஆண்டின் சிறந்த நடன இயக்குநருக்கான ஃப்லிம் ஃபேர் விருது பெற்றவர் கணேஷ்.

"இந்த விருது பெற்றது குறித்து நான் எதுவும் உணர வில்லை. காரணம், இந்த வெற்றிக்கு ஆதாரணமான என் தந்தை உயிரோடு இல்லை. மேலும், என் திறமைகளுக்கு உரிய அங்கீகாரம் பெற நான் வருடங்கள் பல காத்து இருந்தேன் " என்று தெரிவித்தார்.

"கடந்த 19 வருடங்களாக இந்தியில் கோவிந்தா,ஷாருக்கான், ஹிரித்திக் ரோஷன் ஆகிய அனைத்து முன்னணி நடிகர்களுக்கும் நடன இயக்குநராக பணி புரிந்து இருக்கிறேன். " என்றார் இவர்.


தமிழில் "அழகாய் இருக்கிறாய். பயமாய் இருக்கிறது "படத்தில் ஒரு பாடலுக்கு நடனம் அமைத்து இருக்கிறார். அசல்,கொக்கி போன்ற படங்களின் நடன அமைப்பும் இவர்தான்.


நன்றாக டான்ஸ் ஆட, ஒல்லியாகத்தான் இருக்கவேண்டும் என்று அவசியமில்லை என நிருபித்தவர் (சிவாஜி)கணேசன் ஆச்சாரியா.



(நன்றி, இனி அடுத்த வாரம்)



-இன்பா